ناعي حسين
يناعي حسين ماي العين
أنشدك رد عليّ أرجاك
زينب والظعن جا وين
دليني أروح أو وياك
ياهالناعي عليك الله
وعليك ابكسرة الظلعين
جمعت الناس وتنادي
تبشر لو غراب لبين
فطرت اقلوب حاجيني
إلك أخبارهم من وين
جنت وياهم مسافر
لو منهم أحد وافاك
أحلفك يا بشر بالله
آنا أم البنين اتصيح
أسألك رد عليّ الساع
جرحت الجبد تجريح
عشرتنا بسفر غياب
يهيج أرواحنا التلميح
عن حالة عزيزي حسين
خبرني إذا لاقاك
ناداها يحره ابناج
أخبرج لون ما احجيتي
بيوم العاشر بعاشور
نِعم ابطال ربيتي
بنيج الأربعة اتفانوا
هدية الفاطِمة اهديتي
وبحملات أبو فاضل
تمنيتج تكوني اهناك
صاحت بيه يالناعي
سألتك عن جليل الساس
بنيني الأربعة فدوى
وفيهم مهجتي العباس
بس حسين ظل سالم
خل تهلك جميع الناس
يان حدكم عليّ ابهون
فطرت القلب بنعاك
قال انذبح ضامي حسين
جسمه اتعفر ابتربان
حرايركم سبي راحن
عافن بالثرى الشُبان
وحده الّرد علي السجاد
مع ايتامه والنسوان
سمعت واجدبت ونه
جعل بيّ السهم واخطاك
يزينب با بنت حيدر
ما خِلتْ الزمانْ ايدورْ
وعاين بعد أبو الأكبر
وحشه وظلمه هاي الدور
لظل طول العمر أبجي
وأرسم للأحبه اقبور
وعمت عيني يا بو اليمه
نار ابضامري فرقاك