هلال محرم

هلال محرم

كُل محب گلبه انفطر

مِن يهل هذا الشهر

مِن يصد شيعي الهلاله

يذكر حسين أو عياله

بالحزن دمعه انهمر      مِن يهل هذا الشهر

********

يعيد أحداث ظعن حسين ومحمد

وصورة فاطمة البدار تتنهد

وحال أهل الرسول وشمل يتبدد

وابن جعفر وراضى كربلا المگصد

يذكر اوگوف الجواد       يلبس اثياب السواد

يثيب كِل شيعي وبأجره

ويلطم ابكفه على صدره

بالگلب يسكن گدر       مِن يهل هذا الشهر

********

تمر أرض الطفوف او يومها الميشوم

وجيش أهل الضلال وصولة الجيدوم

ورايات الشهادة وحيرة المظلوم

بو الفضل جنب الفرات         جاسم اتزفه البنات

دبحة الأكبر شَنيعه

والطفل يرضع نجيعه

كُل مصاب أگسى او أمر      مِن يهل هذا الشهر

********

يذكرنا الشهيد وجسمه تحت الخيل

وهجمة جيش أميه وشدة التنكيل

ونيران لمخيم والنِسا ولعليل

وحيرة زينب وأطفالها والليل

ركبوا آله هَزيل        بن سعد نادى الرحيل

جسم إبن فاطم رميه

والكريم أصبح هديه

صوره من جور الدهر        مِن يهل هذا الشهر

********

يجدد فعلة ابن زياد والكوفه

وحال الحوره والأيتام مچتوفه

ويزيد ومجلسه وداره المكشوفه

ذكر الشام خلى الدمعه مدروفه

راس لحسين الكريم         كَسّر أسنانه الزنيم

يا عظم فعلة أميه

ماتت ابحسره رُقيه

نبچي بن خير البشر       مِن يهل هذا الشهر