علي جدي
الأكبر من برز خلى العدو يهدي
يگول اگبال حيدر حيل ما عندي
لحتى صاح شبه المصطفى المفدي
علي بن الحسين أنا وعلي جدي
********
صحيفه من الجهاد الواجب الأصغر
كتبها على الطفوف الفارس الأكبر
والعنوان دمه الطاهر الجوهر
لَجل صون الرساله المعركه اتصدر
حامي نَسِل أحمد صاح من سَدَّر
علي بن الحسين أنا وعلي جدي
********
علي الأكبر شجاع ومن كفو گده
وِرَث غر الخصال من النبي جده
ذهلها ابصولته جند الكفر وحده
يرد الجيش دون الطهر كل گصده
يصيح اعلى العساكر والگضا ابزنده
علي بن الحسين أنا وعلي جدي
********
يا حيدر مثالك جال بالميدان
حرب صفين منه شافت العدوان
زلزل جيش أميه وهابت الفرسان
ماجت كربلا وبالدم روى التربان
خلا الميدان وأعلن سيد الشبان
علي بن الحسين أنا وعلي جدي
********
ليلى اتعاين الأكبر ابوجه حسين
ساعه ولن تِكدر سيد الكونين
لمح طاغي برز ويحسبوه بلفين
گال الخيمه دخلي وارفعي الچفين
تِوَجَهت بالغريب و صاح حامي الدين
علي بن الحسين أنا وعلي جدي
********
رِجع لكبر الخيمه امظفر وسالم
شبل حسين بيده راس بن غانم
يطلب ماي يروى ويحمل الصارم
بس عاين أبوه العل جمر كاظم
رد غضبان ضامي وصاح بالظالم
علي بن الحسين أنا وعلي جدي
********
سِمع مهجة الزهره الصوت بالحومه
تعنى له ولگاها خالصه ادمومه
تمنى الموت عِنده وما حد ايلومه
حِمل جسم الشباب وتگلت اهمومه
يوِن لكبر ونار حشاه مضرومه
علي بن الحسين أنا وعلي جدي
********
جلس بالخيمه ينظر فِعلت الأرجاس
والأم الحنون اتشد جرح بالراس
فدوه تصيح وسِلم والدك للناس
والنسوان حوله وجاسم وعباس
نور العين گال ابأخر الانفاس
علي بن الحسين أنا وعلي جدي