طاح العلم

طاح العلم

طاح العلم طاح        يا مظلوم يا مظلوم

طاح العلم طاح        يا مظلوم يا مظلوم

********

هذا العلم بيه التزم چيدوم

مَعلم شرف هذا انعرف بالدوم

خير العمل شاله وحمل عالگوم

وانتَ البطل بيك الأمل هاليوم

وجهك بدر لاح

*يا مظلوم يا مظلوم

مِن حيدره ظل مفخره ابيمناك

وبكربلا وبالمرجله اتعناك

أحمي الخيم عطني العلم ناداك

سور الحرم روح الشيم يفداك

ابوجه العدو صاح

*يا مظلوم يا مظلوم

بيده ارتِفع لَمن طلع چتال

صال وحمل بالطف جدل أبطال

طب للنهر شبه الگمر خيال

بس هيه عَف ما نسَ الأطفال

ما هاب لِسلاح

*يا مظلوم يا مظلوم

********

يحمي الجود راعي الزود منواه

يطفي النار يروي اصغار ترجاه

لاگى احشود كثره اجنود تتناه

بس يا حيف گطعوا ابسيف يمناه

جسمه امتلا اجراح

*يا مظلوم يا مظلوم

نَسل الظهر يبدل عمر للدين

صوّر كرامه ينصر امامه حسين

ابطف كربلا واگف بِلا چفين

حار الشهم صابه السَهم بالعين

ابصدره العَلم لاح

*يا مظلوم يا مظلوم

********

وحده انفرد صابه العمد بالراس

راسه انطبر گلبه اصطبر عباس

نترف الدِما ونار الضَما وأرجاس

خر البطل جهده بذل لا باس

راعي العَلم طاح

*يا مظلوم يا مظلوم