ياللي للشعر
ياللي للشعر سماع أروي لك هلحكايه
مرسومة بوزن وحرف للأبيات قفايه
مانا الهالأمر عناي لكن كانت اهوايه
قريحه فاضت ونسجت لأبياتي الشعريه
ابيوم المبعث ابكل عام تجول ابخاطري الأفكار
لكن هالسنه ناوي أخبركم عن الأسرار
أنه اتذكر فرح أمي وابويه الشاءت الأقدار
أطل على الدنيه بالصحة بولادة طبيعيه
سمعت الصوت يتعالى صلوا اعلى النبي وآله
وأول ما فتحت العين شفت النور يتلاله
حول امعلق ومكتوب صلوا اعلى النبي وآله
ولن السال ابيسأل أبويه وأمهله اشويه
شنهو الإسم يابو فلان قال محمد ونعمين
تيمن بالنبي المختار جد الحسن ويه حسين
قالوا له الإجو اثنين قال الهم عجل انزين
قاسم اسمه الثاني جمعنا الإسم والكنيه
لكن مرت الأيام وآنه منشغل بالي
ياهو محمد المختار هاللي مرتفع عالي
ذكره ابكل مكان وصوب هاللي ملك دلالي
لن الصوت يمحمد أريدك تلتفت ليه
أحمد سيد الأكوان وآية الله الكبره
كان ابجبل اسمه النور يصلي كاتمن أمره
وجاه الوحي ابغار احراء وقله يانبي اقره
وأنزل ليه قرآنه وفرحت لجله الدنيه
وتمر أيام ويه ايام ولن نازل إله جبريل
بني الأنسان ناموا كسون وفي ظلام الليل
ايقله يارسول الله ربك يأمر التعجيل
وسرى من مكه للمقدس وعرج للسمه العلويه