ارد اخبرك يالتقول حسين مات حسين باقي للأبد مايندحر
ويالتقول حسين خاسر بالحيات حسين دمه اعلى العدى هو انتصر
نهجه ثابت نهج سفيان ابشتات واللي باقي اسمه على الدنيه ظفر
صح تقول حسين مرمي اعلى الفلات وصح على التربان دم نحره انهدر
لكن ايزيد امتحى ويه الطغات وسبط احمد قبره بالقلب انحفر
اسمع وخل المشاعر واعيات يالتريد حسين سلم اوممر
اتريد تاخد منبره عكس الدعات وتعكس السيره على كيف الاشر
حسين مو سلم لغايات العصات ولا بعير اتكر بيها او تفر
ابكيفك اتظن هاي حسبات البغات ارجع الاصلك وريتك تعتبر
اعرف اشلون السبط قضى الحيات اعرف الغايه اللي طالبها الطهر
حسين مو شرفه اليطل منها الهوات حسين شامخ كالرواسي وكالقمر
حسين مصباح الهدى وسفن النجات مايخف نوره ولا يغطه بحر
ماكو مثل حسين غاص بالصفات والصفات البيه هيه التفتخر
حسين حبه فرض جا مثل الصلات لجن فضلها على اترابه تخر
حسين والله اقترن حبه ويه الزكات ومثل حج البيت حجه منذكر
تعتمر بالبيت ذكرك تلبيات ومن تجي لحسين واجب تعتمر
تسعى من قبره الى يم الفرات ويم ظريحه اتطوف والنحر الحجر
يالتزور احسين اوصيك ابوصات قبل الاعتاب عني والقبر
ار اخبرك خبر يتعدى الطغات ويشب بقلوب العدى نار وجمر
خطف قلبي حسين مع قلب الهدات فدوه لك يحسين هالقلب ابتشر
احنه كلنه انذوب في حبك ولات واحنه كلنه انذوق في حبك تمر
انته حبل الله وقرآنه بسمات ابأمرك الجنه وجهنم تأتمر
انته تشفع بالقيامه للعصات وانته امرك نافذ ابيوم الحشر
حاشى تنسى خادمك ويه الهوات حاشى تنسى وانته الوافي الذخر
أطلب ابخنصر يمينك والخوات واقبل الابيات مني والشعر