حبيـــس السجــــون
وفاة الأمام موسى الكاظم (عليه السلام )
ابجسر بغـــــداد ضلـــت جثته گوموا ياشيعه نشيعه الحفرته
هذا بستان العلم والمعرفه
هذا للمعلول بلسم والشفـى
هذا منبع للعطا والعاطفــه يگضي حاجات اليجيله ابحضرته
هذا جسم الطاهر ابن المرتضى
وحده ضل ايلوج ماحـد غمضه
ويح گلبي ابغربته بالسم گضى مثل عمه الحسن صارت چبدته
رفـع لجلـه اعمامته جده الرسـول
وبالسجن هم حضرته امه البتول
تندب اعليــه ابــواچيه اوتگــــول انسيـت ضلعي واللطم ابموتته
ابحماميل اربعه شالــوا الجسد
مسحوب بالأغلال مايمه احد
مثلـه ابهالحـال ابــدا مانـوجـد بــالگبـــر نصبت مــاتم جــدته
مثــل جده بالغرب ماحد الــه
وين عزه والعشيره وكل هله
بوالحسن وينه ايجيله ايغسله نمشي احنا اوياه نشيع اجنازته
ابجسر بغـــــداد ضلـــت جثته گوموا ياشيعه نشيعه الحفرته
ابــد ماسمعنـه ابجنازه امگيـــده
عالجســـر مرميه فرجـه امـمـده
اجتمعت اعليها الحبايب والعدى حنــت اگلوب النصارى الحالته
اســف كوكـب صاير ابــطن الثرى
جسمه غاب وعلمه باگي في الورى
رحمــه للعـــالم ونــــــور الآخره خابـــت امــه حاربته وعادته
خادم اصحاب الدمعـه
عبد الرضا ميرزا جمعه
( الجدحفصي )