على لسان أم البنين الطاهرة ( عليها السلام )
يا جــــرح عندي بعد أتحمــــله
سبي زينب لو إلي صار بكربله
*******
آنـه أم الأربـعة أم البنـيــن
عشت عمري من بعد ذبحت حسين
بلسم جروحي صبح دمع و أنـين
لجل زينب قلبي ظل ينزف حنيـن
ريت وياها سبية بالفلة
ويح قلبي على زينب بالأسـر
بدل عباس البطل صار الشمر
وبدل لكبر صار هم يمها زجر
ورم امتون العقيـلة و الظـهر
لا أهل يمها تسوق الراحلة
أولاد عندي مزهرة مثل البدور
عانقوا لسيوف ابفرحة و سرور
وما رضوا لغبار يوصل للغيور
لجل دين الله و رسوله هالشعور
جثث صاروا عالترب مجدلة
ليت عنـدي مثلهم ميـة و ألــوف
ويم أخوهم يحضروا بأرض الطفوف
تقر عيني ويسر قلبي مـن أشـوف
حاملين أعلام أبو سكنـة العطـوف
أصبح بفرحة وسرور امهللة
فخر ليه لو قضى منهم شهيد
فاز دنيا وآخرة وأصبح سعيد
بدل فضة والذهب لبسوا حديد
بحبنا للمظلوم صرنا كالعبيد
هذا خط التضحية و المرجلة
آنه وأولادي فدى لإبن البـتول
بالدما نروي الفرع ويا الأصول
شما أقدم من ضحايا شما أقـول
يعجز لساني ابفضل سبط الرسول
وإلي خالفهم كرامة ما إله
خادم أصحاب الدمعة
عبد الرضا ميرزا جمعة
( الجدحفصي )