وفاة الزهراء
فاطمه بهمها تنادي وينك يابوي الهادي
ظلموني ظلموني بعدك مارحموني
بوجودك كنت مدلـــــــله شما اطلب وأتمنى
لمى اشتهت نفسي العنب بالحال أجى من الجنة
ومن اسمع صوتك يالأبو تسعد حياتي وتهنـى
عالباب توقف تستأذن دايــم الــي تتــعنه
ظنوني ظنوني خابت ظنوني
بعدك مارحموني
خلوني بحر الشمس لمن قطعوا الشجـــره
وليث الحريبه المرتضى للباري فوض امـره
المجتبى يبجي بألم لفراقك حاير فكــــره
وحسين ظل يهمل دمع شاف الظلم من صغره
يسألوني يسألوني عنك يسألوني
بعدك مارحموني
زفرات مني محرقة ترجم لهيب الجمـــــرة
من اللطمة صرت معصبة وأصبحت عيني حمرة
ونقتل محسن بالحقد عالأرض شفته بــــحسرة
ناديت فضة بالعجل ضلوعي غدت متكــــسرة
بعيوني بعيوني لطموني بعيوني
بعدك مارحموني
ياذنب مني ياجرم تهجم علي عدوانـك
ماقصروا يالمصطفى هذا جزى احســانك
ماآمنوا بــالله أبد نكـروا بعد قرآنك
ضمني يبوية بالقبر خذني بعجل بحضـانك
خلوني خلوني بهمي خلوني
بعدك ما رحموني
انسيت ضلعي واللطم من شفت حيدر مـــأخوذ
للمسجد مكتوف بحبل بأمر الــــوصية مقيود
للطاغي رحت بمشيتك قصدي الوصي وياي يعود
خــانوا البيعة بعلي وخـالفوا أمر الــمعبود
بعدوني بعدوني عن حيدر بعدوني
بعدك ما رحموني
لولا السقيفة اللي صبح مصدر ظلم وهو الساس
والحسن جبدة ماغدت متقطعة بسم الأرجــاس
ولولاه ماكــــان الشمر بنعاله اعــلة الصدر داس
ومامشت زينب باليسر تتفرج اعليها الـــناس
راوني راوني كل شدة راوني
بعدك مارحموني
من فاضت روحي يالأبو جاني الحسن ويه حسين
اتحاضنو يم الجســــد وسئلوني يمه الــى وين
انفطر قلبي من البجى وبيدي حضنت الإثنــين
عاشوا بيتم من الصغر طول العمر مــظلومين
حرموني حرموني من أولادي حرموني
بعدك مارحموني
خادم أصحاب الدمعة: عبدالرضا ميرزا جمعة
8/6/2006م
يوم الخميس