ياطير الطاير إگبالي ريض وإرحم بحالي
ــــــــــــــــــــــــــــــــــــــــــــــــــــــــــــــــــــــ
يطير الطاير إگبالي أطلبك لحظـــة لـــوتسمــح
يريتك تاخذإدموعي وعلى جرح الأخو تمسح
يمكن تشفى إجروحه وأشوفه گبالي من أصبح
مـحلـــة لـــمـــة الأخـــوه مشينــــه عنهم بگوه
يطير الطاير إگبالي
أريدك للفرات إتروح وتاخذ ماي لوگطره
وتنزل بالعجل لحسين تبل إبها على نحره
بتشوف الطفل مذبوح عبدالله على صدره
تدري السهم وشسوه كفـــر ماعندهم مروه
يطير الطاير إگبالي
روح وجيب كل صحبك وجميع طيور هالعالم
وحلوا بروضة الزهره ويمها إنصبوا المـاتـم
تركوا عنكم التفصيل أخاف إعليهــا تتــألــم
أهل طيبه ترى برجوه إجيهم صاحب النخوه
يطير الطاير إگبالي
يريت إتفــزع أصحابك يحفروا گبـــور للوليان
ميناسب إبن حيدر يضل عاري على التربان
هذا خــــامس العتره ويتركونـــه بـــلا أكفـــان
إمن الماي متروه گلوب تعيش بگسوه
يطير الطاير إگبالي
إبدمه إصبغ جناحك وگصد جده المختار
وگله يـــارسول الله گــوم إنـروح لــلكرار
نتعاون على الصرعه ونجهز غريب الدار
يريت الموت اليه إدوه حياتي بعده ماتسوه
يطير الطاير إگبالي
العلم عندي عن الشيعه تنوح إعليك دايم دوم
تهتف يالبگيت إوحيد ويلـــي إعلـــيك يامظلوم
تجيك تزور ابلهفه وتلـــطم عالــــگبر وتحــوم
تصيح رجال والنسوه دخيلك صاحب النخوه
يطير الطاير إگبالي
خادم أصحــاب الدمعـه
عبـــــدالرضـــــا ميـــــرزا جمعـــه
( الجدحفصي )