(( يوم العاشر ))
يوم العاشر ابعاشور جسم حسين على الغبره
دامى جسمه اموزع قطعو خنصره ونحره
اجـه يمـه رســول الله يبـجي وينـصـب المـــــأتم
وبطل خيبر يصب دمعه وعليه الكون صار اظلم
وامـه الطـاهره تنعاه و قلـبه مفــطر ومـــــــــــالم
ابظلام الليل سمعنا ابجاج يازهره
اجت يم الجست تريد اتشوف اجروحه والعله
ورفعت جثه ابلا راس واحتارت وينه اتقبـله
تصيح ابني لعند الموت من وجهك للقـــــبله
ابحوافر خيل إليك اظلوع متكسره
اقعد يابني باسايلك خواتك وين اخـــدوه
صدق للكوفه وياالشام مع السجاد ودوه
سبايه راحت وياهم خوارج اسف سموه
ويقرا راسك القران ابعبره
اجيتك كربلاء لكن اشوف اخيام مشبوبــــه
ابحقد وبنار ياوليدي وشفت اخدور مسلوبه
وجثث اطفال قدامي وجثه ابعيد مهيوبـــــه
اضنها جثة العباس متعفره
واعظمه يابوسكنه طفلك شفته بين اصفــــــوف
سهم مصيوب ابنحره وقلبه امن الظما ملهـــوف
اشلون اتحملت ياحسين دمه يسيل وانت اتشوف
بدل مهده يخلونه على الغبره
باجر بالحشر بطلع والناس اوقوف وكلها اتشــوف
بيدي قطعه ملفوفه لبوفاضل بــــيه اجـــــــفــــوف
يرب اقتص من الجاني وارد له بعض هالمعروف
ابلا ماي واسى حسين وقضى ابطبره
ياشيعي من تعزي حسين وتلطم تهدا ادمـوعي
ومن تند ب غريب الدار تسكن لوعتي وروعي
مصاب حسين فت قلبي ونسى كسرت اظلوعي
ودمعك بلسم اجروحي المستعره
عبد الرضا ميرزا جمعه
39294447
6/محرم / 1426ه