النبــــي (ص) يصبر الزهراء(ع)
صبري يا بنتي فاطمة عالهضم صبري
صبري يا بنتي فاطمة عالهضم صبري
صبـري يابنتـي عالهظم والظـلم والجــور
ماشفتي ساعة إمن العمر راحة ولاسرور
يصعب عليــه أنظــرچ والخــد مصطــور
وشعاد محسن لــو سگط والظلــع مكـسور
لجـل الشفـاعة إلشيعتچ هــالأمر مــذخــور
هذا إللي ربي قدره من بعد عمري
الجنــة لــبست يــالـبتول إثيــاب لحــزان
والنـــار زادت بــالــلهب تنتظــر عـدوان
للي وصفني في المرض عايش إبهجـران
وإللي ظلمش في الأخرة وبالدنيا خسـران
رب العـلــى لجلش غضب يارفعة الشــان
منعوش حتى امن البچى وتجين گبري
ماحد وصل لچ بالفضل أبداً ولاصــار
ياسيــده الى النســـاء ومصدر الأنـوار
إخمــاد نورچ بــــالحقد مقصد الفجــار
حازت الأمـــه ابهالفعل الذلــه والعــار
ماصدگوا مات النبي هجموا على الدار
لجلش يابنتي فا طمه احنيت ظهــري
خادم اصحـــــاب الدمعه
عبد الرضا ميرزا جمعه
( الجدحفصي )