وفاة الزهراء (ع) على لسان الإمام الحسن (ع)
يا حيدر ريّض شوية ابنعش الطاهرة أمنه
ابظلام الليــل تدفنـــه نتمنى الگبر ضمنه
يا حــيدر ارحم بحالــي وبحال الأخو المظــلوم
خواتـــي اتصيح متألمة ابگلبها جبال من لهموم
اليتم يفجع ترى الأولاد فگدنــا الأم بهذا الـيوم
ومن ننظر الك ياياب يتزايد بعد همنه
ابويــة قاتـــل العمرين ارتفع صوته وظل ينــحب
جبـــل عاينته يتمـــايل ودمـع العين يتصــــــــبب
حمل أمنه على صدره ونـــادى بعجل يا زينــــب
گوموا ودّعوا أمكم كلنه اليوم تيتمنه
ادفنّي بظلام الليــل وصّت والـــدي حـــيدر
وگبري لا يعرفونه مخفي أبــــد لا يظهر
باچر بنتقــم منـهم وحگي يصير بالمـحشر
وصيّت جدي انعكست ولا واحد بگى يمنه
على المغتســــل خلاها وگام يغسل الكــــــــــعبة
ظل يطوف بدمع ساجم مثل الحـــاج إذا لبـــــــى
لمـــس اظلاع مكسورة من الطاغي ومن صحبه
بسك يا علي بسك من تبچي تألمنه
أباخذ بيد أخويه حسين بننزل نحضــــن الزهره
بنودع جســــــد نحلان من اللطمة ومن العصرة
بقبرها ما ســـكن ونها ابصدرها ظلـوع متكسرة
وهم احنه مثل أمنه راح يسيل من دمنه
عمرها ما وصل عشرين راحت بالمرض والــهم
دوم اسمع منها ونيـــــن بظلام اللـــيل تتـــــــألم
مانامت أبـــد عالجنـــــب إمـــن الـــضرب اتورم
بعدك يا رسول الله منهو الذي يرحمنه
أمانة سلّمــــك طــــــه تردها شلون تتوجع
وينك من اجوها الگوم گلبها بخوف إتروع
ابباب الدار شـبو نار المن تلتجي و تفزع
وانت الما تهاب الموت شمالك سيف واليمنه
يمته نشوفك يالغايـــــب بسيفك تثأر للبضعه
وتاخذ ثــــار اجـــدادك وكلمـن حقه اترجعه
راحو ابسجن واسيوف ومنهم چبـده متقطعه
يالموعود يالموعود عدلك يمته يعمنه
خادم أصحاب الدمعة
عبدالرضا ميرزا جمعة (الجدحفصي)