ابكل وقت نحي ذكر اهل الوحي
هـــم آيات الكتاب اللـي نـزل
هم ميزان العدل واصل الوجود
مطر نازل من عذبهم انغسل
جدهم المختار نـــور الكائنات
والأبـــو حيدر علــي خيــرالعمل
رحمت الباري اجــو للعالميـن
اعوجاج النـاس بـالآل اعتــدل
نفرح ابحين الفرح للطاهرين
ونعقــد الماتم علــى اللـي انقتـل
منهم ابلسجون گاسى كل محن
ومنهم ابلتراب امگطع وصل
ومنهم ابلسموم ذابت چبدته
حتـى امهم فاطمه گاست عـلــل
يشهد المسمار اللي بالصــدر
ميت المحسن مــن احشاها نـزل
وأبد ماننسى العقيله ام الخـدر
بالأســـر بعـــد العشيره والأهـل
ابمجلس المجلس تطب امغلله
مــن تهدم ســـوره وطـاح البطل
لكـن ابهيبه وجلالتها تصــب
غضبها ضل ينسف اجذورالجهل
هذه زينب بيها هيبة حيدره
وبالثبات اعلى النوايب كالجبل
ومثل جدها تنطق ابحكم الشرع
ومثل امــها يــوم خاطبه هبــل
خـــادم أهل البيت(ع)
عبدالرضا ميرزا جمعة ( الجدحفصي )