توسُّل بالسيدة فاطمة المعصومة ع

توسُّل بالسيدة فاطمة المعصومة ع

 اقبليني خادم الكم فاطمه مولاتي 
شافعه ال شيعة علي مولاتي انتي شافعه
و التّوسل بيچ يالمعصومه الله يسمعه
و الدعا بحروف اسمچ الله لا ما يرجعه 
و الملايك من ضريحچ تاخذه و ترفّعه
 اقبليني خادم الكم فاطمه مولاتي 
من يحطّوني بگبري او من تفتّح عيني
مثل ما جيت الضريحچ لازم انتي اتجيني
ما نسيت اجروح گلبچ ونتي ما تنسيني
أنا من شيعة الزهرا ونتي اتعرفيني
 اقبليني خادم الكم فاطمه مولاتي 
احنا بدموع الألم دمعاتچ انواسيها
لو هو يطفيها الدمع مولاتي بنطّفيها
امصيبتچ حگ كل محب نقراها و بنرويها
او گبتچ حتى الحشر تگضي الحوايج بيها
 اقبليني خادم الكم فاطمه مولاتي 
ما إلينا غير الله و النبي او آله
و المحب بس يگصدنكم يبتشر دلّاله 
تعلموا ابنبضات گلبه او يشكي ليكم حاله
يلتجي ابحاجاته ليكم ابدمعته السيّاله
  اقبليني خادم الكم فاطمه مولاتي 
كلنا وگّفنا على باب الضريح الطاهر
لا تردينا يمولاتي او سرّي الخاطر
ابحگ دموع الزهرا و دموعچ او دم العاشر
بالرضا او باب الحوايج موسى ابن الطاهر
 اقبليني خادم الكم فاطمه مولاتي 
@@@@@
أبو فراس الحمراني