عينك بچت عينك بچت
چم من عيون اتحيّرت
باب الزچيه فاطمه أمك دعاك ابدمعته
خلفه اندبت أم الحسن جدّك علي او نخّته
او خلفه ترى صار الضلع يبچي عليها ابكسرته
خلفه افگدت خلفه افگدت
محسنها آه و تحيّرت
او مسجد علي المرتضى بالكوفه صاح او يندبك
ابمحرابه يالمهدي الدما ما ظنّي لا ما عذبك
حگ ثار أبوك المرتضى انهض وظنّه صوّبك
كلها اندبت كلها اندبت
گطرات دمّه اتحيّرت
او طشت الذي حگ الحسن او چبده بگت به امگطعه
يالمهدي ويشگد نحبته يبچي السبط ما تسمعه
عن لا تنظره عمتك كل يوم بالله د رفعه
چبده حچت چبده حچت
كل گطعه منها اتحيّرت
ليك ابصوايح كربلا و الگلب منها منفطر
چم تنتظر گالت أنا بجيب ثاري المنتظر
تبچي على رضّ الصدر او تبچي نحر النحر
ليك التجت ليك التجت
بالظامي مرمي اتحيّرت
چنّي ابدموعك تنهمر و يزيد عندك الألم
لمّن تنادي مگنعة زينب يمهدي ابلا خيم
ويش تنتظر و مسلّبه من بعد شيّال العلم
و اتسترت و اتسترت
بچفوفها و اتحيّرت
جرح أمهات اللي افگدت دمعه على نورك همل
يالمهدي چم ليها بدر خسفوه ويلي او اكتمل
او چم رضيع اللي انذبح و گليب أمه محتمل
دمعه جرت دمعه جرت
يمته تجيها اتحيرت
@@@@@@@
أبو فراس الحمراني
... نسألكم الدعاء ...