يسأل الصادق الباقر عن مصايب كربله
او موقف الما ينسى او لليوم ما تتحملّه
أحنى ظهره او صاح وا ويلي على أم الخدر
آه وا ويلي على بويه عليل او دمعه خر
گيد زينب ويّا بويه سعّر ابصدري الجمر
اوداعة الله يا أبو اسكينه تنادي معوله
ساعة اللي ودّعت زينب أخوها او خلّته
شافها فوگ الهزل و اعلى الترايب شافته
او ينظر السجّاد ليها او فوگ خدّه دمعته
و ارتفع صوت البچي و النوح عند العايله
و المصيبة اللي أبد ما تنسى و الفاجعه
حين زينب شافت العباس فوگ المشرعه
نادته بوداعة الله بعدك أمشي امروّعه
و الأبو ينحب على عمّي او سرنا بالفلا
ليت أبوك ابيوم عاشر ويّا جدّك منجدل
او لا نظر زينب سبيّه او بيدها حزّ الحبل
او والدي جامعه ابصدره و الجسد منه انتحل
يوم توديع الأحبة ابصدري يبني أحمله
@@@@@@
أبو فراس الحمراني
... نسألكم الدعاء ...