ما مات أمام لنا و عذبوا نسوته و أيتامه كنسوة الحسين ع و أيتامه .
نسوان أو يتاما الميّت العاده يواسوها
بس نسوان أبو سكينه أو أيتامه يضربوها
ما واحد بيمتنا گضى أو غمّض اعيونه
إلا أولاده سوّوا تعزيه او بحزانِ ينعونه
فوگ المغتسل نسوانه و طفاله يودعونه
او ليه شالوا النعش بدموعهم و الله يغرگونه
و تنادي الگضى و اللي رحل عنها يخلوها
بس نسوان أبو سكينه أو أيتامه يضربوها
أمّا ابكربلا نسوان ما صارت و لا فجعه
من جت للولي وگت اليسر تبچي إله او تنعه
سوط امن الشمر فوگ المتن سوّه الضرب طبعه
و يتام الولي بين الرفس وا ويلي و الصفعه
ما شفنا حرم وگت العزا العدوان إسلبوها
بس نسوان أبو سكينه أو أيتامه يضربوها
بالدنيا بعد منهو يخلونه يجر حسره
يمشي بالغصب او ينظر إلى أوليده على الغبره
او ينظر كافله او خيّه الذي مرمي انگطع نحره
والله اشگد صعب جرح الطفل بالشاهده يبره
منهي فاگده او للي انذبح بالغصب راووها
بس نسوان أبو سكينه أو أيتامه يضربوها
نسوه منوجد حتى الحشر و يتام محزونه
راس اللي تعز فوگ الرمح بدماه ايرفعونه
تسمع نحبته وسط الگلب لمّن يشتمونه
او تنظر غرّته كلما تصد ابسوط ايجرحونه
سكنه من رأت راس الولي و رقيه ذبحوها
بس نسوان أبو سكينه أو أيتامه يضربوها
يا نسوه ادخلت من مات واليها على اعداها
اعذرني علي يا فاطمه و اعذرني يا طه
نسوان السبط و بلا ستر إيزيد خلّاها
او زينب بالألم بين الغرب مسبيه سمّاها
من مجلس إلى مجلس بعد عبّاس ودّوها
بس نسوان أبو سكينه أو أيتامه يضربوها
@@@@@@@@
أبو فراس الحمراني
... نسألكم الدعاء ...