قال الصادق ع : كان عمنا العباس نافذ البصيرة، صلب الإيمان…..

قال الصادق ع : كان عمنا العباس نافذ البصيرة، صلب الإيمان…..  
كان عمّي العباس نافذ البصيره 
كان صُلب الإيمان قمر العشيره 
من مقام المعصوم راحت التحيه 
من سما المدينه لارض الغاضريه
و بو الكاظم حيّاه سور الهاشميه
او سلّم اعلى العباس او دمعته جريّه
من يذكرونه إيگول ما انوجد نظيره 
كان صُلب الإيمان قمر العشيره 
آه يعمّي إيگولون بالأخوّه ما صار
مثلك ال جدّي احسين بالوِفا و لِيثار
يالحميت الزينب يا ابن حامي الجار
و انعرفت السگّاي ياللي كلّك أسرار
او على اخيام لحسين ناظره يديره 
كان صُلب الإيمان قمر العشيره 
تحچي تحچي أحفاد آل أميّه لرجاس
علّمتها لجدود شالّلي سوّه العباس
من نزل للميدان او عالجماجم من داس
رفها راية احسين عمّي رافع الراس
و النّعِم للحسين بو الفضل نصيره 
كان صُلب الإيمان قمر العشيره
خلّه بين الچفّين تجري الشريعه 
او ما شرب گبل احسين او خيّته الوديعه
او گبل بنت المظلوم سكنه او لا رضيعه
و الوفا للعباس شيمته او طبيعه
او للحشر بالفرات ريحته او عبيره 
كان صُلب الإيمان قمر العشيره
@@@@@@
أبو فراس الحمراني