يا بناتي نصبوا العزيه
على زينب عمتي سبيه
طاح ابو فاضل على شط النهر
او طاح من بعد الأخو ذاك الخدر
والحسين اعلى الوطيه معتفر
والنحر گدامها حزه الشمر
على من راحت على المطيه
على زينب عمتي سبيه
ناح كل شي على حالة عمتي
دمعتي تجري عليها دمعتي
تبچي من بعد أخوتي وا ذلتي
احسين خلاني او گايد ناگتي
من مثلها ما إجت رزيه
على زينب عمتي سبيه
والدي الباقر يصور الخبر
غللوها عمتي ابدرب اليسر
و بسياطه وسفه يضربها الشمر
و الوجه بيدينها ليه الستر
دمعتي لعمتي جريه
على زينب عمتي سبيه
و اعظم النكبات بالمجلس ترى
ابعينها يضحك يزيد او تنظره
او يضرب الراس الشريف ابمخصره
گلب زينب ويح گلبي فطره
شمتت العدوان آل أميه
على زينب عمتي سبيه
@@@@@
أبو فراس الحمراني
... نسألكم الدعاء ...