من وصايا الولد الصادق إليّه
يبني لا تنسى شهيد الغاضريه
######
ابحياته او گبل موته كرّر ابوصيته
جدّي المظلوم يبني لا تخلّي امصيبته
بآخر الأنفاس أبويه وصّى بي يشيعته
گول للشيعه يگصدوا كربله لزيارته
و اندب المذبوح كل صبح او مسيّه
يبني لا تنسى شهيد الغاضريه
######
و المجالس لا تخلّيها على جدّي ابألم
او من يجي شهر المحرم يبني انشر العلم
ما مثل لحسين يبني آه وا ويلي انظلم
واجب اليوم القيامه تبچي ليه كل الأمم
ظل ثلّة أيام جسمه اعلى الوطيه
يبني لا تنسى شهيد الغاضريه
######
بين دمعات الرزيّه والدي دمعه جرى
او گال لي احسين الشفيّه جدّي حزّوا منحره
او كل ضلوعه بالعوادي وسط صدره امكسّره
او راسه من فوگ الرمح عالي او زينب تنظره
او هالرزيّه ما مثلها من بالبريه
يبني لا تنسى شهيد الغاضريه
######
من وصايا الوالد الصادق إليّه بالحزن
خل دموعك دوم تجري و ابچي يبني الهالمحن
احسين ظل عاري يحسره ابلا غسل و بلا كفن
واسي ابدمع ال تهلّه حگ دموع أم الحسن
او من تنادي احسين تسمعك الزچيه
يبني لا تنسى شهيد الغاضريه
@@@@@
أبو فراس الحمراني
... نسألكم الدعاء ...