يالله شيلوا اجنازته و ابچوا إليه
جعفر الصادق سلام الله عليه
جعفر الصادق سلام الله عليه
إلى جدّه المصطفى يالذي اتشيلونه
گبل دفن ابن النبي لازم اتودونه
او عن ظلامة مهجته شيعته اتخبرونه
مات مسموم الولي گبل ما اتدفنونه
و ابنه الكاظم لطم خدّه بِديه
جعفر الصادق سلام الله عليه
صوب گبر أم الحسن اتوجهوا بجنازته
او على الصادق يا خلگ الكل يهلها عبرته
او يصفگ اليمنه بعد بالحزن و بيسرته
و يگول گومي فاطمه و انظري لمصيبته
و اندبوا حيدر علي الساعه يجيه
جعفر الصادق سلام الله عليه
او من تگصدون البقيع بالألم ويّا الحزن
طوفوا بالصادق إذا رحتوا ابگبر الحسن
گولوا ليه عن محنته و اذكروا كل المحن
جرّحوها مهجته هالعدا و اهل الضغن
و السما ويّا الأرض ناحت إليه
جعفر الصادق سلام الله عليه
او بين گبر ابن الحسين و ابنه الباقر ونين
سوّوا يا شيعة علي لين جيتوا دافنين
اندبوا أم الحزن زينب او أم البنين
و ابچوا محزوز النحر ويّا مطوع اليدين
و اسمعوا بجنازته نحبه او دويه
جعفر الصادق سلام الله عليه
@@@@@@
أبو فراس الحمراني
... نسألكم الدعاء ...