اجنازة الصادق شالوها شالوها
و يتامه و ولاده ظلوا يودعوها
اجنازة الصادق شالوها شالوها
######
شالوا الجنازه للبقيع ابدمعه هماله
او خلف الجنازه تنتحب وتنوح اعياله
او كل شيعي لا تسال بعد عن حزنه و حواله
خلف الجنازه ينتحب لجله اندهش باله
يفاطمه گومي نادوها نادوها
اجنازة الصادق شالوها شالوها
######
حيدر علي برض النجف ظل يهمل العبره
و يگول ويلي المهجتي او يضرب على صدره
ويلي على الصادق گضى مسموم يا حسره
و ينوح مأجوره بعد يفاطمه الزهرا
او چبدي لجل چبده ممروده خلوها
اجنازة الصادق شالوها شالوها
######
وانظر مقامه ابكربله منه الدمع سايل
عند منبره احسين ابنعي او عمه ابو فاضل
يقرا عليه لكبر علي او دمعه بعد نازل
والجاسم ابإيده علم وسط العزا حامل
و إلى النبي طه تعزيه ودوها
اجنازة الصادق شالوها شالوها
######
والكاظميه ابزلزله او سامره محزونه
او نزلت ملايك السما كلهم يشيعونه
بوداعه الله و ارتفع صوت ال يودعونه
و الانبيا و الاوصيا حضروا يدفنونه
اوما ظلت اعمامه إلا او ذبوها
اجنازة الصادق شالوها شالوها
@@@@@
أبو فراس الحمراني
... نسألكم الدعاء ...