حسين أفجع نايبه بالدنيا كلها
من بعد موت النبي هذا أصلها
حسين أفجع نايبه بالدنيا كلها
دفنت الصادق ابگبره او بعد دفنه رجعت الدار
تشاهد جملة أيتامه او حريمه و الدمع مدرار
و لا شفت اليتاما اتلوج بصحرا او ما عليها استار
و لا حرمه تحن و تنوح أويلي أو ما عليها خمار
و اعظم العلات للزهرا ابعللها
حسين أفجع نايبه بالدنيا كلها
او علي السجّاد دفن لحسين او رجع ليتامه نص الليل
او بني أميه تعذبها او دمعها اعلى الخدود إيسيل
او من تنحب او من تندب تشوف اسيوف ويا الخيل
شمر يخزرها بعيونه او شافت من خوّلّه الويل
او زينب اتنادي ابدمع للي كفلها
حسين أفجع نايبه بالدنيا كلها
يدافن جسم أبو الكاظم رجعت البيتك أو عزّوك
جميع إخوانك ابلحزان على يمناك إجو إيواسوك
او وحدك بالمصيبه اتصير
الأهل كلهم فلا خلّوك
او على اعمامة ولي الله
تشمها او تنتحب تركوك
او بالتراب اعمامة المظلوم لا ما حد حملها
حسين أفجع نايبه بالدنيا كلها
او علي العابد رجع بالهم بعد دفن الولي المحروم
وجته العيله بالحسرات أو حوله بالدموع اتحوم
او زينب تسأل الغالي عن العباس و المظلوم
وهو يوگع او مرّه ايگوم و يجاوبها ابگلب مألوم
احسين روحي مني يا عمتي سلها
حسين أفجع نايبه بالدنيا كلها
@@@@@
أبو فراس الحمراني
... نسألكم الدعاء ...