و شلون إعيّد فاگد الوالد گبل عيده
و شلون إعيّد فاگد الوالد گبل عيده
محزون گلبه و الدمع يجري بوجناته
مثل الجمر وسط الصدر بالحسره آهاته
غالي الأبو ويشگد صعب يا خلگ فرگاته
ويّا الدمع اسم الأبو كل فاگد إعيده
و شلون إعيّد فاگد الوالد گبل عيده
يتخيّله او يتذكّره و بكل نفس حسره
او كلما يصد الحجرته تخنگ له العبره
جرح الذي فاگد أبو ما ظنّتي يبره
او يلطم عليه اعوينته او صدره بعد بيده
و شلون إعيّد فاگد الوالد گبل عيده
ينظر لصورة والده و يصيح يالغالي
و اشلون أعيّد و الحزن مرّد لدلّالي
ما تدري يا بويه بعد عيناك عن حالي
بويه بليّاك العمر لا و الله ما ريده
و شلون إعيّد فاگد الوالد گبل عيده
محلا الأبو في عيلته او من حوله اعياله
بالعيد ينشر للفرح او ينشرح دلّاله
و اللي فگد حگ والده مهموم كل باله
و العيله تفرح بالأبو بالعيد و وجوده
و شلون إعيّد فاگد الوالد گبل عيده
@@@@@@
أبو فراس الحمراني
... نسألكم الدعاء ...