دار علي ع و زينب ع
وحشه عليّه دارك وحشه عليّه دارك
يا نور بيتي او روحي هالليله وين أنوارك
كلما فتحت الدارك ناداني كل شي فيها
وينه علي يا زينب هالليله ما يلفيها
أيات ذكر الباري مشتاگه له يتليها
ابروحك علي تتبارك وحشه عليّه دارك
بس ما أصد يا الوالي لعمامتك تفجعني
و العبرة وسطة صدري يالمرتضى تخنگني
عنّك ترى لعمامه وينه علي تنشدني
تدري علي بسرارك وحشه عليّه دارك
و نظر يبويه السيفك يصرخ يفارس خيبر
مشتاگ حگ يحملني و الله ابيمينه حيدر
خاطبني آه يا زينب فرگاه والله مگدر
و سمع أنين الجارك وحشه عليّه دارك
و نظر إلى امصلاتك ويا مكان اسجودك
اينادون يالمحزونه ايحنون حگ اوجودك
و السبحه منها الدعوه اسمعها الله ايعودك
ليلك بچى و نهارك وحشه عليّه دارك
جدران دارك تنحب يا بو الحسن تنظرني
غابت روايح حيدر هالليله راحت عنّي
تمحنّي بويه دارك بس ما أجي تمحنّي
بس ما تجي خطّارك وحشه عليّه دارك
حتى الظلام ايسايل أنوار حيدر وينه
و الكون كلّه امحير حگ دارك المحزونه
او كل شي بچى و ينادي چيف علي ايدفنونه
او تنشدني عن أخبارك وحشه عليّه دارك
@@@@@@@
أبو فراس الحمراني
... نسألكم الدعاء ...