محراب أبويه الليله من نوره أمسى خالي
تجري دموع اعيوني او لجله انفطر دلّالي
او محراب أبويه الليله من نوره أمسى خالي
في كل سنه أتذكّر هالليله بس إيجيني
محلاته لين اتبسّم او يمسح بدينه إيديني
و يگول من دعواتچ هالليله لا تنسيني
او هاذي السنه أبچي له راح او تركني الغالي
او محراب أبويه الليله من نوره أمسى خالي
منساه ليمن أذّن او محلا الذكر بلسانه
يرفع أذانه او يرفع عن گلبي كل أحزانه
او گلبي انحرم هالليله من صوته مو ويّانه
او هاذي السنه محبوبي بس صورته بخيالي
او محراب أبويه الليله من نوره أمسى خالي
فاگد أبوه يتذكّر محلا الأبو و وجوده
عد باب داره أوگف اترجّى بس اردوده
و دعي له بس ما شوفه جاني عسى الله إيعوده
او هاذي السنه ما جاني و آنه اندهش له بالي
او محراب أبويه الليله من نوره أمسى خالي
أخواني ويّا الوالي إيسّر الگلب ملفاهم
بعد الصلاة يلگوني ابدعواتهم و لگاهم
تسوه العمر من أنظر جاني أبويه أوياهم
او هاذي السنه أخواني يتذكّرونه اگبالي
او محراب أبويه الليله من نوره أمسى خالي
@@@@@@
أبو فراس الحمراني
... نسألكم الدعاء ...