حسن يحسين يا عباس لا تنسوني من دعواتكم بليلة القدر فأنا أمانتكم زينب .

حسن يحسين يا عباس لا تنسوني من دعواتكم بليلة القدر فأنا أمانتكم زينب .


إذا دعيتون حسن يحسين يعيوني 
يخويه عبّاس أختكم أو لا تنسوني

رفعت للگناع او گالت يالحسن روحي
ارفع إيدينك إلى الله ايخفّف اجروحي 
بعدك يخويه أظل بحزاني او نوحي
و اطلب من الله عسى اخواني اليدفنوني
إذا دعيتون حسن يحسين يعيوني 
يخويه عبّاس أختكم أو لا تنسوني

ضربت متنها او گالت يا أبو اسكينه
اطلب من الله يخويه لا يجرحونه
او لطمت وجهها او نادت او لا يلطمونه
بالزهرا أمي توسّل لا يسلبوني 
إذا دعيتون حسن يحسين يعيوني 
يخويه عبّاس أختكم أو لا تنسوني

گالت يعباس بدعواتك لتنساني
و اقسم على الله الشمر ما ريده يبراني
قدّم علي ابدعوتك انته اللي ترعاني
للموت يا بو الفضل او  بيدك تواريني
إذا دعيتون حسن يحسين يعيوني 
يخويه عبّاس أختكم أو لا تنسوني

نشرت عباة أمها فاطم يالتشوفوها
طلبوا من الله بعدكم  لا يسحبوها 
و بيوم عاشر محرّم لا يحرگوها 
او بدعي يربي أِخوتي لا يضيعوني
إذا دعيتون حسن يحسين يعيوني 
يخويه عبّاس أختكم أو لا تنسوني

طلبوا من الله او لو أتيسّر او قدّر
بس لا أروح اليزيد آنه مع الخدّر 
طلبوا من الله إلى وجهي فلا ينظر
آنه العزيزه او زينب لا يذلّوني 
إذا دعيتون حسن يحسين يعيوني 
يخويه عبّاس أختكم أو لا تنسوني
@@@@@@
أبو فراس الحمراني