*بفطر على ادموع او ما بفطر أنا ابماي*
*او هالليله ما شوف علي ابداري ويّاي*
أذّن يكرّار او راح الخاطر أوياك
و تذكّر اشلون علي كل ليله ألگاك
او من تگعد أوياي تسولف و الله محلاك
و إلا أسمع الصوت رحل حيدر مهو جاي
*او بفطر على ادموع او ما بفطر أنا ابماي*
كل ليله بالباب أديرن صوبك العين
وا سلّي الرّوح دِبسّچ لا تحاتين
و سأل أنا الباب متى يرجع أبو حسين
و الليله عالباب أنّعي لك يحمّاي
*او بفطر على ادموع او ما بفطر أنا ابماي*
أنظر إلى الزّاد او زادت بيّه هالنّار
معتاده بالزّاد يباركني حِما الجار
او كلما أذكره يسيل الدمع مدرار
او مثل اللهب صار يبويه الزّادِ بحشاي
*او بفطر على ادموع او ما بفطر أنا ابماي*
او منّك گطعت الرّجا يا عزّي اتعود
او طعم العمر من بعد فرگاك مفگود
او كلما أنادي الصدى يا والدي اردود
او بالماي بخلط أنا يالغالي بلواي
*او بفطر على ادموع او ما بفطر أنا ابماي*
@@@@@@
أبو فراس الحمراني
... نسألكم الدعاء ...