( .... و قال يتيم من الأيتام ،، أرسلتم لنا اللبن ، خذوا اللبن و أرجعوا أبانا علي أمير المؤمنين.....)
إجوا ليتام يا حيدر ينوحون او دمعات الحزن تجري بالعيون
######
حيدر بطل النوحه او ونينه
او عنده المجتبى لازم جبينه
و حسين ابألم يمسح يمينه
او زينب تبچي له و الگلب محزون
إجوا ليتام يا حيدر ينوحون
######
سايلهم علي شاللي جرى او صار
أسمع نحبة الأيتام بالدار
گالت زينب او دلالها نار
عنك اليتاما جو ينشدون
إجوا ليتام يا حيدر ينوحون
######
بويه و اللبن جابوه لينا
او طلبوا أعطوا الكرار أبونا
خل يبرا الجرح منه ولينا
او عند الباب يا بويه يونون
إجوا ليتام يا حيدر ينوحون
######
نشدوني او يصفگوا الإيد بالإيد
عسى ابعيد البله عنه عسى ابعيد
بيرد الولي و يعيد العيد ؟؟؟
او نظره ليك طلبوني ينظرون
إجوا ليتام يا حيدر ينوحون
@@@@@
أبو فراس الحمراني
... نسألكم الدعاء ...