زينب ع تلتمس الدعاء من أبيها علي ع
في صلاتك بالله لا تنساني
و اطلب امن الله تزول أحزاني
ادعي ليّه يا علي بنتك أنا يا بو الحسن
من بعد عينك ألاگي يالأبو ضيم او محن
يا وطن و بگى أنا يالغالي ما عندي وطن
گلبي ما بين المصايب و البلايا مرتهن
چنّي بويه بالدهر راواني
في صلاتك بالله لا تنساني
ادعي ليّه يا علي لمّن أصير ابكربله
و انظر الأحباب كلها اعلى التراب امجدله
ساعه للنسوان ونظر كلها تبچي امذوهله
او ساعه للأيتام وينه ألتجي بالعايله
بوالفضل و حسين من خلّاني
في صلاتك بالله لا تنساني
ادعي ليّه يا علي لمّن أروح المشرعه
و نظر العباس مرمي و الچفوف امگطعه
و السهم ناشب ابعينه ويلي جثه اموزعه
گول يا ربي يصبّرني ونا له امودعه
و الشمر بعد الأخو يبراني
في صلاتك بالله لا تنساني
ادعي ليّه يا علي و آنه وگفت امحيره
أنظر المظلوم بالتربان جثه امطبره
و الشمر صاعد على صدره و يحز المنحره
او بالخيول الأعوجيه اضلوع صدره امكسره
ما أحد يحمي إلي او يرعاني
في صلاتك بالله لا تنساني
ادعي ليّه يا علي لمّن يگودوا ناگتي
و الحبل مربوط بيدي آه او حز الرگبتي
و نظر الراس السبط فوگ الرمح بعوينتي
ليت تحضر يا علي تسمعها مني صرختي
امحيره بين الغرب عدواني
في صلاتك بالله لا تنساني
ادعي ليّه يا علي گلبي امتلا كلّه ابشجون
دخلتي الشامات و الشمات ما ظني تهون
هاذي زينب بت علي الكرار ليّه او ينظرون
گلبي الأيتام و النسوان والله يفجعون
و الدمع ويا البچي عنواني
في صلاتك بالله لا تنساني
ادعي ليّه يا علي بس ما يدخلوني الطغاة
مجلس الطاغي او ينظرني او تمنيت المماة
او يضرب أضراس الوالي المظلوم ويلي بالعصاة
چنّي بصرخ يا بو زينب و الله ما ريد الحياة
ليت خويه ابكربلا واراني
في صلاتك بالله لا تنساني
@@@@@@
أبو فراس الحمراني
... نسألكم الدعاء ...