دار عينه بو الحسن بعياله
و الدموع ابوجنته سيّاله
احتضن ابنه الحسن بهمومه
او گال چنّي ابچبدتك مسمومه
روحي حگ امصيبتك مألومه
او فصّل ابكل الحزن أحواله
او قبّل احسين او دمع عينه جره
او مرّر إيده على گلبه او منحره
او گال أضلاعك تظل امكسّره
او جسمك إيظل عاري ماحد شاله
او على عباس الگمر دار النظر
او گال له مطروح تبگى اعلى النهر
او چنّي ابراسك يدلالي انطبر
او خبّره عن يمنته و شماله
او ضم إلى صدره بعد لمدلّله
او گال ليها عن مصايب كربله
باچر اتجي الكوفه ونتي امغلّله
او كل هضم بتشوفه زينب گاله
@@@@@@
أبو فراس الحمراني
... نسألكم الدعاء ...