بعد عينك يا علي منهو كفيلي
بعد عينك يا علي منهو كفيلي
#########
ناده عالعبّاس و المدمع جرى
الله هالله اوديعتي لمخدّره
او حشّمه او وصّاه تالي ذكّره
انته كافلها يسبع الگنطره
نادته يالمرتضى اتسعّر دليلي
بعد عينك يا علي منهو كفيلي
#########
او فوگ چفّينه نزل منّه الدمع
حيدره لبو الفضل گلبه انفجع
او صار يدعي حگ چفوفه و ارتفع
صوته ياربي عسى ما تنگطع
صعبه أسمع هالمحن باچر تجي لي
بعد عينك يا علي منهو كفيلي
#########
ناشدنها و الألم يحدي الألم
او مسّح اعيون الشهم راعي العلم
إدعي يا زينب و لا إيجيها السهم
او تحرسچ يمخدّره ابذيچ الخيم
ضجّت او من دونه ما أگدر رحيلي
بعد عينك يا علي منهو كفيلي
#########
عطني راسك گال و الله ابحسرته
و بحروف الزهرا حرّز هامته
رفعي إيدينچ يزينب خيّته
و الله لا گاله تنظري طبرته
چنّي بگضي بالبچا انهاري او ليلي
بعد عينك يا علي منهو كفيلي
@@@@@@
أبو فراس الحمراني
... نسألكم الدعاء ...