مأجور يا محمد مأجوره يزهره
######
امن النجف اه يا المحب اندب نبينا
واحمل إليه التعزيه ابونه حزينه
واصرخ يطه سيدي والله اندهينا
وسط الصلاه حيدر علي صابوا جبينه
هالليله السماوات تبچي لجله حسره
مأجور يا محمد مأجوره يزهره
######
او خلها عيونك تكتب الليله ابدمعها
إلى الذي وسط الگبر تبچي ابوجعها
من لطمة العين او ألم كسرة ضلعها
او خبرها صرخة جبرئيل الكل سمعها
صابوا حيدر اليوم گومي وهلي عبره
مأجور يا محمد مأجوره يزهره
######
خبر محمد قالع الباب ابيمينه
والشاله يا وسفه يطه شايلينه
صابه المرادي ابسيفه او طبر جبينه
او خله الدما تجري من الهامه اعلى عينه
او من وصل لزينب ما گدرت تنظره
مأجور يا محمد مأجوره يزهره
######
و اشرح عن الحوره إلى الزهرا او وضعها
حيدر علي زينب ترى ويشگد فجعها
من ندبته او بطل لعينه من سمعها
او من أجل زينب ونته حيدر گطعها
بعيون الوديعه عبره او فيها جمره
مأجور يا محمد مأجوره يزهره
@@@@@
أبو فراس الحمراني
... نسألكم الدعاء ...