هذا الوداع يا أمير المؤمنين
روحي فداك او روح كل العالمين
هذا الوداع يا أمير المؤمنين
######
يا شايلين اجنازته دمعي جريه
ريضوا ابنعش حلو الشيم حامي الحميه
و من المدينه يمكن اتجيه الزچيه
وتودعه الزهره او ننصب ليه عزيه
جبريل إينوح والعرش لجله حزين
هذا الوداع يا أمير المؤمنين
######
روحي حزينه والگلب بالله شيصبره
محمول بويه بالنعش مگدر انظره
ميفيد دمعي عل الأبو لو ألف حسره
يا ليت من گبل الأبو ضماني گبره
واسمع بواچي الحسن ويا الحسين
هذا الوداع يا أمير المؤمنين
######
لا تاخذون المرتضى دلالي ذايب
لا تدفنون الشمس من تحت الترايب
بعد الأبو يا ناس باشوف النوايب
او باچر أنا إيسموني و الله أم المصايب
او جرحك يدوم يا علي طول السنين
هذا الوداع يا أمير المؤمنين
######
صدري على فرگاه والله يشتعل نار
من بعد أبويه موحشه يا ناس هالدار
ابروحتي و بجيتي دلالي محتار
موحش تراهو البيت من بعدك يكرار
و صفگ على عيني بويه و الجبين
هذا الوداع يا أمير المؤمنين
@@@@@
أبو فراس الحمراني
... نسألكم الدعاء ...