سلام الله على الماي
على جسمك يحمّاي
علي يا بالحسن
بچى حتّى الكفن
عدال اعلى الولي يالماي أحاچيك
بچايه دستمع و سمع بواچيك
على حيدر علي ودّي أوصّيك
او علم عندي يماي اليجري اعليك
او يدهش منّك الراي
او عليه اتنادي بچّاي
علي يا بالحسن
بچى حتّى الكفن
ألف حسره بعد من تنزل اعليه
على الطبره يماي او لا تآذيه
إذا ينحب علي عرش الله يبچيه
او تدري بالجرح شالّلي فعل بيه
ترى هالجرح چوّاي
و إذا ونّيت بهداي
علي يا بالحسن
بچى حتّى الكفن
بوصّيك ابعلي يا ماي موجوع
تراه يسمع نحيب أولاده مفجوع
تگول المرتضى سافر بلا ارجوع
يماي امسح من اعيونه للدموع
او سمع زينب يسلواي
يتيمه او ما حد أوياي
علي يا بالحسن
بچى حتّى الكفن
دبسمل من تغسّل إيد أبو اتراب
لچم بيها من اسيوف العدا اصواب
ترى احروب النبي عاشت هالمصاب
او يبچي الباب حيدر قالع الباب
او دمع محرابه همّاي
صفگ چفّينه بالواي
علي يا بالحسن
بچى حتّى الكفن
@@@@@
أبو فراس الحمراني
... نسألكم الدعاء ...