راح عزّچ يزينب راح لا تترگبينه

راح عزّچ يزينب راح لا تترگبينه
راح عزّچ يزينب راح لا تترگبينه

ابتدت قصة ألم قصة محن قصة رزيّه 
من ندب حيدر علي للهاشمي و الهاشميه
او گال يا زينب فلا اتگولين من وصّيت بيّه
كافلچ أبو الفضل ابني أبو النفس الأبيّه

گال خادم أنا يمخدره أو هبّط جبينه
راح عزّچ يزينب راح لا تترگبينه

و اسچبت دمع الخدر دمع اليسر بنت الزچيه
او گالت او نعمين عباس الذي وصّيت بيّه
خوفي آنه يا يبه من گطعت اچفوفه الوفيّه 
او بعد ما اسمي الأميره يندبوني الخارجيه

او تبچي زينب على العباس وا ويلي ويدينه
راح عزّچ يزينب راح لا تترگبينه

 چم بچت من شاهدت بعيونه دمعاته جريه
نادته تسلم اعيونك يا أبو فاضل إليّه
او لا أشوفنها ابسهم حسره يضي عيني عميّه 
و الله ما ودّي أودعك بالثرى و انته رميّه 

و الشمر بالسوط يا عباس يبرى هالضعينه
راح عزّچ يزينب راح لا تترگبينه

يا ذخر او يا فخر او يا شهم گد الوصيه
خوفي متجاوبها زينب من تنادي لك يخيّه
من يدخلوني على الطاغي يعباسي هديه
و ذكر الليله علي خلّه إيدينك في إديّه

على فرگاك يعزي هالگلب الله يعينه
راح عزّچ يزينب راح لا تترگبينه
@@@@@@
أبو فراس الحمراني