ابعينك نظرت الوالدي صابوا جبينه
و عيوني تنظر منحرك من ينحرونه
حسين حسين حسين
منّك يمولاي الصبر آني أخذته
و علم بگلبك منفطر بويه نظرته
و السيف يا حسره بعد نصّف جبهته
ويا الحسن يحسين بيدينك رفعته
او شافك تنادي من فتح بويه عيونه
و عيوني تنظر منحرك من ينحرونه
حسين حسين حسين
لكن أجي لك بالترب يحسين تعفر
في يوم عاشر و الجسد منّك توذّر
و وگف على جسمك و نادي آه حيدر
احضر يبويه كربلا لحسين احضر
و تگول خدرچ بالله لا لا تتركينه
و عيوني تنظر منحرك من ينحرونه
حسين حسين حسين
و اللي ضرب حيدر أبويه داحي الباب
او سوّه ابگلبنا يا أخويه أعظم اصواب
جبتونه مگيود او سألتونه بلسباب
و نتون حوله و بن ملجم صار مرتاب
و آنه الشمر أنظر لسيفه بين إيدينه
و عيوني تنظر منحرك من ينحرونه
حسين حسين حسين
او ذبّاحك اتنظره يبو سكنه عيوني
عنّك أدفعه صارمه خويه بديني
ونته تنادي عوّدي لا تجرحيني
او تنظر إليه بالسوط من يضرب متوني
شلّت يمينه ذابحك شلّت يمينه
و عيوني تنظر منحرك من ينحرونه
حسين حسين حسين
@@@@@@@
أبو فراس الحمراني
... نسألكم الدعاء ...