ها يسبع الگنطره
گلّي بالوالي اشجرى
ها يسبع الگنطره
إن شا الله اتخيب الگلب خويه ظنونه
و بخبر مؤلم بعد ما تفجعونه
طالعت دمعات عباس ابعيونه
إن شا الله مو حيدر اللي تحملونه
مهجتي متسعّره
ها يسبع الگنطره
هرول العباس صوب أخته النجيبه
او صاح يختي استعدي للمصيبه
لازم المحبوب يبچي حگ حبيبه
او دمعة افراگ الأبو منّچ گريبه
نادته او متحيره
ها يسبع الگنطره
شبچت ابعشر الأنامل زينب اتنوح
الله يا عباس أبويه هاللي مجروح
ما أصدگ بو الفضل حيدر المطروح
او ظل دمع عباس في خدينه مسفوح
يشعبنّي منظره
ها يسبع الگنطره
گلها يختي استرجعي
بس لا تونّين
هذا لمگدّر على الغالي أبو احسين
في صلاته والدچ مصيوب لجبين
او من بعد طبرة أبونا ما تعيدين
ولولت متمرمره
ها يسبع الگنطره
@@@@@@
أبو فراس الحمراني
... نسألكم الدعاء ...