فگد الأبو بهلالك شفته او بچيت ابحسره
يهلال شهر الرحمة اتخلي المهج متفطره
من أنظرك و تخيّل حيدر علي من يطلع
من بيته و يودّعني حسّيت أنا ما يرجع
في ليل حادي شفته يهلال ذاك المصرع
فگد الأبو بهلالك شفته او بچيت ابحسره
باصوم عن أفراحي او بفطر على أحزاني
يا ليت بويه الكوفه لا راح او لا ودّاني
او لا شفت أنا للطبره او لفّوني في أكفاني
فگد الأبو بهلالك شفته او بچيت ابحسره
تفرح جميع الوادم من تنظرك تستغفر
و آنه دموع اعيوني من أنظرك تتحدّر
واشوف كل اخواني جابوا أبويه امطبّر
فگد الأبو بهلالك شفته او بچيت ابحسره
و گت الفجر غمّضها ويلي أبويه اعيونه
او شالوا أنا دلّالي شفت الأبو ايشيلونه
يهلال رده اعليّه صعبه علي إيدفنونه
فگد الأبو بهلالك شفته او بچيت ابحسره
خلّيت بيتي مظلم او خلّيت گلبي امفطّر
تنظر إليّه او تبچي و بچيك كلما أنظر
وآنه أنادي حيدر ونته تنادي حيدر
فگد الأبو بهلالك شفته او بچيت ابحسره
@@@@@
أبو فراس الحمراني
... نسألكم الدعاء ...