ويلي على سبط النبي .. في الطف وحيد يعاني
ما عنده واحد ينصره .. ومنّه عدوّه داني
أنصاره كلها مصرّعه .. والدم غزير وقاني
واولاده واخوانه بألَم .. ودّعْ .. مصرع .. واحد والثاني
نادى وعداته وكل خواته في الخيم تسمع ..
منهو علم يرفع .. وينصر أبو اليمه
هذا ولد من خيمته وبرايته يطلع ..
جنّه القمر وأروع .. يفدي بعزم عمّه
منهو طلع من خيمته .. فرحان وحامل رايه
وحسن الشباب بوجنته .. يتلالا يجري مايه
هذا شبيه المجتبى .. الله أراده آيه
القاسم ونجل الحسن .. صمّم .. بالدم .. يوصَل للغايه
والغايه عنده ترتفع من دينه أعلامه ..
وتتوارى ظِلاّمه .. وما تبتلي الأمّه
لكن أبو السجادِ ما تتحمّل أحلامه ..
يذّكّر آلامه .. ومن الحسن سمّه
قاسم لبس ثوب العلا .. وبالمكرمات تردى
وسبط النبي أبدا فلا .. يقبل مصيبه تصده
هذا وديعه من الحسن .. منهو عليه يتعدى
لكن سمع قاسم هتف .. عندي .. وجَدّي .. رخصه بها الشده
عندي كتاب من الحسن يالوالي بس شوفه ..
وتأمل حروفه .. صدري اشتعل همه
سالت من حسين المدامع وارتفع خوفه ..
ما يقدر يشوفه .. في المعركه بدمه