عندما افتقدت فاطمة الكبرى الرضيع

مهدك الخالي يخويه ابشوفته جسمي انتحل

والأمل يا بعد روحي يوم عني ترحلون
وارجعت وانشد محمد يمتى اهلي يرجعون

وكل مسيه يا حبيبي امشي عند دار الولي
وطالت الغيبه عليه ولا حد امعوّد الي

ويه المهد أقعد اسولف يمتى باشوف لحباب
خويه عبدالله تراني امخيطه الكبرك اثياب

امأمله انظر اقبالي ترفل ابثوب الجديد
وتالي هالبدله يخويه خلت امصابي يزيد

خويه من ردت العيله للمدينه بالحنين
وقمت ادورك في الضعينه بحضنك يا ضيا العين

وافتحت باعي اضمها ولنها صرخت معوله
خذت مني طفلي والوالي اراضي كربله

مدري شنهو الثار هاللي يطلبونه ابرقبتك
بالسهم حرقوا وريدك ولا بلّوا كبدتك

ومن قبل يا ثمر قلبي بانيه اعليه ابأمل

وما رحمتوني وامامي ظلت اتسير الظعون
وأحب الوالي ابجبينه وأضم لأحضاني  الطفل

وأشم امصلاه ابحسره واحضن المهد الخلي
وتفصح ابحزني وشوقي اعيوني بالدمع اليهل

والطفل انظره يمشي وتفرح ابمشيه الرباب
ما دريت الدهر يفجعني ويخيّب هالأمل

امأمله تقعد ابحضني وبالفرح تصفق الأيد
قبل ما أسمع ابذبحك ليت وافاني الأجل

خبروني قبل ما لاقي خواتي عن حسين
وشفت امك واقفه تبكي ولا عندها طفل

قلت في وينه عبدالله لن دمعها تهمله
حرمله ذابح رضيعي ليت يمناه انفصل

يخرقوها ابسهم اقشر واشتفوا من ذبحتك
حرمله صوب افادي ليش ايذبحك هالنذل