|
نهاري راح بهواله وجانا الليل يلوالي
مسينا واهل ما عندي وعدوك ما رحم حالي
وانا اذكر صبح هذا اليوم ارفع هامتي عالي
واعاين اخوتي الشبان كلها واقفة اقبالي
اوبوجود البطل عباس ما مرذلي اببالي
عزيزه امحجبه ابخدري وما حد ينظر اظلالي
و انظرهالمسى اجنايز عن ايميني وعن اشمالي
واوين آروح يبن امي واصد عن ضجة اطفالي
يخويه امن انظر السجاد ينحب يندهش بالي
عليل وعلته صعبه وغيره ما إلي والي
يخويه وفرت الصغرى وعليهاانشعب دلالي
وطلعت آحوم بالوادي أدورها مع أطفالي
سمعت الصوت بالمسناة واقصد كافل اعيالي
شفتها امدده ابجثه كهفنا وسورنا العالي
وناديته يبو فاضل ترى زينب بلا والي
رجعت الخيم بالطفله وضجه شاده اببالي
من اختي اتصيح يا زينب عليه ضاعو اطفالي
اتركتها اتنوح بالخيمه ووحدي اطلعت يظلالي
ادورهم ولن نومه ومحتضنين يلوالي
وشفتهم موته يبن امي وذب الألم دلالي
ورجعت احمل جنايزهم على يميني وعلى اشمالي
وحين اتعبت يبن امي اعاين نور يبرالي
ولن اظلال للخيال صوب الخيم من جالي
قلت لى سلب ما عندي شللي اتريد بعيالي
اما اتروح يا خيال والا اندب ابطالي
انخي بين هالقتلى وانادى قعدوا يرجالي
والا للنجف باصيح بويه عاين احوالي
وشفت عينه تفيض ادموع واسمع نحبته عالي
قلي يا بعد روحي دسكتي ذاب دلالي
انا حيدر يبت حيدر جيتك بحرس اعيالي
|
