من هذا المحمول على صدر الحسين؟

اخوك حسين يمشي ومنحني ظهره
لفه اببردته والبرده محمره

ولن زينب وليلى قربن عنده
وفلن بردته ولنه جسد ولده

اسم الله اعليه يلحوره اسم الله اعليه
وعلى صدرى يبت المرتضى خليه

ولن حسين شاله عن صدر امه
ومن شافت الحوره حال ابو اليمه

قلها يالعقيله منكسر ظهري
ايحق لي لو صحت ماريد انا عمري

اسمعت سكنه واجت لجله تتكي له
على التربان مدت طولها ابطوله

يبني الفاقده للشاب تعبانه
ولو هو مات موت العين حزنانه

وانا شفتك يروحني اتعالج ابروحك
بانوحك يماي العين بانوحك

اشلون انساك وانظر منزلك خالي
فقدك يا وحيدي شتت احوالي

قومي انسأله من شايل على صدره
ليكون الذي محمول جسم ابني

والمحمول ثاري بالترب مده
ابچبدي تصيح ليلى من هو صوبني

عن التربان راس امدللي رفعيه
قبل ما موت بحزاني يجاوبني

وما يمكن افصل لك وجد ليلى
اتقله مصرعك يوليدي شيبني

وتظل اتنوح طول الليل سهرانه
ومن تسمع ابأسمه تصيح آه يبني

وعلىّ ضاعت الحسبه من احسب اجروحك
وما انساك حتى الموت يصدمني

وين انساك واذكر مشيك اقبالي
ماعندي ولد غيرك علي يبني