|
عل وجهك تسيل ادماك
يعيوني
يلكبر فتح اعيونك وحاكيني
————————————
يالتوقف على راسي وتريد
امري
تسمعه ابشوفتك يبني انكسر ظهري
اوصالك بلمها والنعش صدري
ما اقدر ارد وحدي ومنهو للحرم بعدي
عماتك تناديك وتناديني
يلكبر فتح اعيونك وحاكيني
————————————
امدلل لا يظل خدك على
التربان
وصلتك برفعه يا شمعة الشبان
وعلى باب الخيم متجمعه النسوان
ترقب رجعتك يبني بتنظرني ابظهر محني
يبني قوم قومه اتفرح اعيوني
يلكبر فتح اعيونك وحاكيني
————————————
ظل ايلولح ارقبته ونظر
نظره
ومن شافه ابو اليمه احضنه الصدره
ونادى حسين يبني اشلون من حسره
ثمنعشر سنه يبني ومن طيبك تفارقني
على الدنيا العفا يا سلوتي وعيني
يلكبر فتح اعيونك وحاكيني
————————————
ما فتح اعيونه وحرك
الراسه
ابصدر حسين والله يعلم اشقاسه
حسره اعليه ولنها غابت انفاسه
وابوه الجرح بفاده لفه اببردته ونادى
يبني اتروح من ايدي وتخليني
يلكبر فتح اعيونك وحاكيني
————————————
لفه وعاد يا عبره عليه
جودي
يهل الخيم نادى استقبلوا اوليدي
يهل الخيم راح الأكبر امن ايدي
وطلعت عمته الحوره مع امه اتصيح
مذعوره
يزينب وين لكبر ما تراويني
يلكبر فتح اعيونك وحاكيني
————————————
صاحت شوفي ابن امي اشحمل
وياه
هالشاله على صدره وعليه ابكاه
هالملفوف بالبرده وتسيل ادماه
هذا الشاب لمطشر جسد ابنك علي الأكبر
عن ابن امي دقومي انشيله سعديني
يلكبر فتح اعيونك وحاكيني
———————————–
صكت بيدها اعلى الراس
محزونه
على التربان شبلي لا يمدونه
خلها فوق صدري تغمض اعيونه
ومد اجنازته المظلوم ولن امه عليه
اتحوم
وقعدت صوب راسه اتصيح يجنيني
يلكبر فتح اعيونك وحاكيني
————————————
يروحي من جبت امك
لهالوادي
قلت باضيع وافقد واحد اولادي
قوم امشي اقبالي وبرد افادي
يلكبر هذي اظنوني بالغربه تضيعوني
وابوك حسين عنا ايروح يعيوني
يلكبر فتح اعيونك وحاكيني
————————————
ردتك لآخر ايامي تظل ليه
تنزلني ابقبري وتبكي اعليه
ما ظنيت اشوفك جثه مرميه
جابوك الخيم مذبوح وتنازع بقايا الروح
ناب الزمن صوبني ابضلعيني
يلكبر فتح اعيونك وحاكيني
————————————
|
