|
يكفيني جرح واحد
يصوبني
ابوسط قلبي وشلي وزعك يبني
**********
ردتك لآخر أيامي تظل
ليه
وتنزلني لقبري وتبكي اعليه
ما ظنيت أشوفك جثه مرميه
جابوك الخيم مذبوح وتنازع
بقايا الروح
ناب الزمن بين اضلاعي نيبني
من عاينت راسك منشطر يبني
**********
يوليدي يلكبر فتح
اعيونك
يوليدي لتجرح قلبي بونينك
ودمك يا حبيبي غمر خدينك
يزينب ما تحاكينه بلكت يسكن
اونينه
دهري يالوديعه ابهالبلا ذبني
وذوبني ابذبح الشاب آه يبني
**********
يليلي اتصيح منتحله
انا امن ابكاك
هفي على جروح امدللك برداك
ولى ذبحوا ابن امي يسلبونا اعداك
يسلبونا العدى تالي واظل حرمه
بلا والي
ودارت عينها واصيح آه يبني
ترضى ابكعب رمحه الشمر يضربني
**********
ومن سمعت الصرخه فرت
النسوان
وشالن جسد لكبر من على التربان
وبس انهضت ليلى وعاينت لحصان
دم قامت تهل العين واتنادي يمهر
حسين
وينه رحت بوليدي دجاوبني
وصل بيه ابيه امقطعين ابني
**********
جاوبها ابلسان الحال
ياليلى
من وصله الطاغي وصوبه غيله
شبك بيه وردت للخيم باشيله
صرخت آه يوليدي حنيت الظهر يوحيدي
هذا اصواب راسه ابكبدي صوبني
قلي عادمن وزع لجسم ابني
**********
قلها فوق عيني نزفت
ادمومه
وبعدها سال مخه وكبدي مألومه
و عميت الدرب واتوسطت في الحومه
ولن لسيوف جت لكبر وشوفي جسمه
مطشر
واتأملت شكله واصرخت يبني
كل سيف وصل لك يبني صوبني
**********
لصرخ آه يلكبر وشلي
ابعمري
جيف أعيش يبني ومنكسر ظهري
قبل ماشوف جسمك ليتني ابقبري
خوفي يا ضيا اعيوني هالعدوان
يسبوني
للغربه توصلني وتضيعني
وجهز محمل امك خل نرد يبني
*********
كل الأمل جان حسين صار
اظلال
انسى غربتي وانسى فقد لعيال
وما ظني الا نمسي وتنفني لرجال
وايروح حسين من ايدي مثل ما رحت
يوليدي
وزجر بالسوط يضربني ويسلبني
ليمن ضرب امك بتنتحب يبني
*********
|
