|
منهوا انشال بالشيال و يشهالمصاب الي جرى
كله جروح هالمطروح وجبتون نعشه المقبره
شمسوي صاحب هالنعش يا مظلوم
سبعين نبله وصلت جسمه اليوم
جيت المدينة وامتلى قلبي هموم
بن لطهار قلي اشصار نيران جبدي امسعره
والتفت لمحمد وكف انحيبه
وعينه رفعها وشاف اخوه شق جيبه
يمتى يبو جاسم وصلت الطيبه
شوف اشصار من لشرار ياليت عاينت الجرى
قله وصلت و عاينت زحمه الناس
وعند قبرك جدك بو علي جوا لرجاس
والنعش تمشوا به وأمامك عباس
يم للحود هالممدود في وين أهله تنصره
كفكف امحمد دمعته ودار العين
وقله دقلي بو علي اخليصك وين
ما اشوف ابومحمد معاكم يحسين
نادى آه من فرقاه اشطور كبدي امشطره
وهذا الجسد هاللي تشوفه ابعينك
ومن شوفته امصوب تجر اونينك
هذا اخوك الحسن الله ايعينك
راح اقواي شيله وياي جنحاني والله امكسره
شوفة اخوانك كلمن ايجر حسره
هذا يحن وذاك ايدق الصدره
هانت عليه من رأيت الزهرى
اتحن واتدور يم لقبور واتون ونه امأثره
مقدر أرى الزهرى تون يعيوني
شيلوا اخوكم يخوتي وعينوني
مقدر اشيله منبهض عذروني
خويه راح وانا اجراح قلبي ومهجتي امفطره
ودفنوا اخوهم واعتنوا الدوره
واتقدم محمد صرخ مأجوره
البقى ابراسك بالحسن يالحوره
عزنا راح والأفراح راحت معاه المقبره
شافت امحمد واصرخت مرتاعه
والله حسافه ما حضرت انزاعه
انكان تشفي مهجتك بوداعه
راح الجود للحود وهيهات خويه تنظره
|
