ابونا شال نعش امنا وخالي البيت من لثنين
اشلون انبات هالليلة بلا الوالي وبلا ام حسين
ابونا قطع افادي نظرته منحني ظهره
الله ايساعد الكرار بيده امغسل الزهرى
ادري قلب ما عنده يعاين وحشة الحجره
مدري مات من حزنه لو يرجع ابو السبطين
يخويه حسين يا زينب اشويه قرّبوا يمي
ابباقي الليل يخواني بننصب ماتم على امي
خلنا انموت لو تنزف اعيوني ادموعها ابدمي
يزينب بالله حاكينا ويش شفتي ينور العين
صرخت آه وا ويلي على الزهرى الف ويلاه
مصاب اللي وجع قلبي يخواني ابد منساه
يوم الزهرى خلف الباب لاذت ليش نادت آه
ولن اسمع شي يتكسر والبضعة تون اونين
ما نادت يجي حيدر صرخت فضة دركيني
بعدي الباب عن صدري تري ابصدري امصوبيني
وما انسى تألمها وتنادي آه يجنيني
ومن باعدت عنها الباب لنه يعتفر لجنين
يخواني حسن وحسين بس يرجع لنا حيدر
بسأله ويش يابويه الخلف الباب يتكسر
وبسأله عن جنين امي ليش ابابها اتعفر
وعن ونة من اتونها تصدع قلبي يا بو حسين
نادى حسين من كم يوم شفت اللي كسرظهري
وعادة من اطب لمي تحبني لازم ابنحري
وما حضنتني هذا اليوم عندها اشصار ماأدري
ويم افراشها اتدنيت ولنها امعصبة للعين
قلت شيلي هالعصابة ترانا حسين نظريني
ييمه ليش هذا اليوم عندك ما حضنتيني
قالت لي يبعد الروح مقدر ارفع ايميني
قرّب يبني ابنحرك بقبلك يا ضيا العينين
يزينب عاد خبريني ترانا اعزيزك وذخرك
ليش ابساعة التوديع امنا قبلت نحرك
عقبها طوحت ونه وتالي قبلت صدرك
قلبي ذايب اعلى امي ويمتى اتعود يالطيبين
وصاح الحسن واويلي على امنا المظلومه
بسايل بويه ليش امي ليالي ما رأت نومه
وتنام اعلى جنب واحد وامن النوم محرومه
وبس اتريد تتحرك تجي فضه اليها اتعين
كانت فاطمة اتمثل ابوها ابمشيته وطوله
وتالي ما اطلعت عنا الا وجثة منحولة
علينا اتأخر الكرار كيف اننام هالليلة
اما ايعود لو نطلع لقبر الزهرى يالطيبين
عليهم نادت الحورى يخواني درخصوني
اعصابة عينها الزهرى باخذها دخلوني
اريد استقبله حيدر ولعصابة على عيني
خله ايشوفني بويه ويذكر مصاب العين
دش حيدر ابلوعاته وظل ايحوم وسط الدار
وحط ايده على صدره ويمه اقبلوا لصغار
يناديهم مشت عني ولا اتسئلوا ابقلبي اشصار
خلية صارت الحجرة وعني راحت ام حسين
وطاحت زينب ابحضنه ولنه يلتفت ليها
ويشوف العين معصوبة وقلها بويه شيليها
تذكريني ابمصاب امك مهجتي عاد رحميها
يبنتي جلد ما عندي دشيليها ينور العين
اتقلة اتريد هالليلة اجبر خاطرك ياياب
اشيل اعصابة الزهرى عن عيني يليث الغاب
لازم تجبر افادي وعن هالدار شيل الباب
ومن المسمار متروعه مشفت النوم يا بوحسين
يبويه انتبه مذعورة لو لحظة شفت نومه
وادموم الصابغة المسمار متقلي من ادمومه
واخويه الحسن يسئل ليش امنا النوم محرومه
واخويه حسين ينظرها يبويه امعصبة للعين
جينه انسايلك كلنا اشحال الزهرى يا حيدر
يوم اللي اعصروها القوم ويش الكان يتكسر
وليش العين معصوبة وليش اجنينها اتعفر
وليش ابجانب واحد تنام امنا يبو الحسنين
يبويه الزيد احزاني يجر حسين لونينه
طول الليل ايدوّرها وينادي سافرت وينه
يبويه امسح على قلبي و متجاوب المحزونه
يبويه منفطر قلبك لخواني التحن احنين؟
دنق راسه ولدموع تجري وصاح بالحسره
جوابي كله في التغسيل شفت العين محمره
اصبرت لكن نفذ صبري ابشوف اضلوع منكسره
وتنام اعلى جنب واحد متألمة من الضلعين
وتقولي حسين متقدري يبنتي تسمعي اونينه
اجل وشحالتك وانتي على الغبرى تشوفينه
يدوسوا بالنعل صدره وتشوفي الراس ايحزونه
وتقولي ذايب افادك اسمعتي كسرة الضلعين
يبنتي آه لمصابك اذكره و يستعر همي
من اتنادين بالعدوان جهزوا جثة ابن امي
ويكسروا جثته اقبالك تحت الخيل واهو مرمي
ما يسلم ضلع منه صيحي انكان بتصحين
| 