متى امنا تعود ؟

ياللي عن اولادك اتروحي فوق شيّال

يمسافره ميغيب عن عيني خيالك
ردي يزهرى وارحمي ضجة اعيالك

ايقاسي كسر ظهره عقب هدت الركنين
ونعشك من ايشوفه يمكسورة الضلعين

يالرايحه فوق الجنازه اخذيني وياك
لو اعاين  الهالباب هللي سطر بحشاك

يا باب ياللي ابسبتك صاير يتمنا
اصغار كلنا وبعدها ما بلغت ابنا

ومشّوا  نعشها واوقفت زينب على الباب
واتصيح بعده دم اخويه مزج لتراب

وبس طلعّوا لرجال تابوت الحزينه
تدرون كلكم بالضلع لمكسرينه

واروا الوديعه يا علي يم قبر لجنين
وكل ليله وصلني الزيارتها  يبو حسين

ردي لقلبي واجبري كسرة هلعيال

وكلما أرى المحراب بتذّكر جمالك
وشوفي ابويه ابسفرتك ما تم له حال

لو ايشوف يمك يصرخون الحسن و حسين
ايسلم اعيونه  للبكى والدمع همال

مقدر اعود البيت وانظر خلي امصلاك
وطيّح جنينك  يا بتوله فوق لرمال

اشسويت تدري خليّت الحجرة من امنا
وبعد الوديعه ويش ايقاسي خير لعمال

وقعدت تصب ادموعها بتراب لعتاب
قتلوك في بطن الوديعه قوم لنذال

صرخت الطفله ابهون سيروا يا ولينه
خوفي على دمها ايتفجر على الشيّال

وليمن  دفنتوها اخبروني القبر في وين
زهرة ايامك نورها عن منزلك شال