وادرج الليلة في أكفانه

ماتقدر اعيوني تشوف البيت خالي

تبكي صلاة الليل لجلك يا ضيا العين
والبيت مظلم عوّد انواره يبو حسين

واتزيد غبنتها وتوقف تحن بالباب
وا ضيعة ايتامك عقب ما رحت ياياب

ولمن تشوف ايتام ابوها تذكر العيد
واتصيح ياحسره على ذيك التهاجيد

ولن الحسن وحسين جوا من دفن ابوها
حضنتهم ولن بالبواكي يسعدوها

ومسحت دمعها والقلب بالحزن ذايب
بالله لتقولوا ضمته الليله الترايب

قلها ابو محمد دسكتي ياحزينه
بالليل لظلم خوف قبره ينبشونه

ابليلة اللي اندفنت امنا يبت لبدور
وهالليله شفنا راس ابونا ودمه ايفور

عوّد يبويه وعود زهوة هالليالي

وين التلاوه اووين نور امشيّد الدين
وامسح على هامات ايتامك يوالي

واتصيح شاب الراس من ضربة المحراب
رخصت عليّ دنياي من بعدك يغالي

ومن تنظر المحراب خالي تصفج الايد
واتنوح من تنظر الى المحراب خالي

الله يا شده عليهم من لقوها
هيهات مدمعهم مينزف على الوالي

وتصرخ يخوتي وين داحي الباب غايب
شلتون نعشه لو يرد للبيت تالي

الله كتب يدفن مثل امنا ابونا
خلنا ابهالليله نحط ماتم الوالي

عاين ابونا في غسلها الضلع مكسور
ماحد مثلنا ابهالمحن اول وتالي